Opið í dag 10:00-18:00
Ormsson - Lágmúla
530-2800

Um okkur

Gott úrval, mikil gæði, góð þjónusta og gott verð.  Við hjá Ormsson trúum við því að þessir þættir eigi stóran þátt í þeirri tryggð sem viðskiptavinir okkar hafa sýnt okkur í gegnum tíðina. Við bjóðum gæðavörur á góðu verði, við þekkjum vörurnar okkar og njótum þess að kynna þær. Við teljum viðskiptunum ekki lokið þegar viðskiptavinurinn gengur frá viðskiptunum heldur teljum við að þá séu þau að hefjast, ef eitthvað kemur uppá, erum við alltaf til taks.

Meginstarfsemi Ormsson er innflutningur og smásala. Í dag einbeitum við okkur að innflutningi og sölu á heimilistækjum, innréttingum, sjónvörpum og hljómtækjum.  Fyrirtækið rekur 2 verslanir á höfuðborgarsvæðinu, í Lágmúla 8 er heimilistækjadeildin, og HTH innréttingarnar. Á einum stað er því hægt að sameina vangaveltur um innréttingar, innbyggingartæki og önnur eldhústæki. Í Lágmúla 8 eru einnig Bang & Olufsen verslun og hljóm- og skrifstofutækin til húsa.  Í Síðumúla 9 er Samsung setrið þar sem að boðið er upp á heimilistæki, sjónvörp, hljómtæki, myndavélar, farsíma og tölvuvörur frá Samsung, en einnig eru skrifstofur fyrirtækisins þar til húsa.  Auk þess er Ormsson á Furuvöllum 5, Akureyri,  Hafnargötu 25, Reykjanesbæ og Miðvangi 13 Egilsstöðum. Einnig eigum við í góðu samstarfi við verslanir um allt land.  Þjónustuverkstæði Ormsson er til húsa að Ármúla 18, Reykjavík.  Ef þú gerir kröfur, ætturðu að koma í Ormsson – þar eru þær uppfylltar.

--

Fyrirtækið Bræðurnir Ormsson var stofnað 1. desember 1922 af þeim bræðrum Eiríki og Jóni Ormssyni og hefur fyrirtækið verið í eigu afkomenda þeirra meira og minna frá stofnun fram til dagsins í dag.  Upphaflegur tilgangur félagsins var rekstur rafmagnsverkstæðis, en fljótt þróaðist reksturinn á þann veg að hafinn var innflutningur á vörum framleiddum af AEG, en fyrirtækið hefur verið umboðsmaður þess vörumerkis frá 1923.  Á seinni árum hafa vörur frá mörgum öðrum leiðandi framleiðendum bæst í flóruna eins og t.d. HTH, Samsung, Nintendo, Sharp, Pioneer, Hama, Tefal, Brabantia, OBH Nordica, Verbatim, Jamo, Scull Candy og mörgum fleiri.

-

Ormsson ehf
kt. 530509-0360
Síðumúli 9
108 Reykjavík